Уроки по Joomla 3 можно найти здесь: http://joomla3x.ru/
Пятница, 15 января 2021 17:23

2020 сыл бастыҥнара-Чурапчы улууһун баһылыгын Ороһуоспатааҕы баала

Автор

        Хас сыл аайы улууспут бастыҥ үөрэнээччилэригэр, спортсменнарыгар, общественнай олоххо көхтөөх оҕолоругар – Улууспут аҕа баһылыгын ороһуоспатааҕы баала аанын арыйар. Быйылгы тэрээһин, ирдэбил быһыытынан куйаар ситимин нөҥүө ыытылынна. 2020 сыл түмүгүнэн, спортка, үөрэххэ, общественнай олоххо уһулуччу ситиһиилээх оҕолорбут ааттара ааттанна.

PHOTO 2021 01 15 17 34 38

       “Чурапчы улууһа” МТ баһылыга А.Т.Ноговицын оҕолор хас биирдии ситиһиилэринэн киэн туттарын эттэ, үлэни-үөрэҕи, спорду өрө тутан өссө да маннык элбэх кыайыы кэлэ турарыгар баҕарда.

WhatsApp Image 2021 01 15 at 17.17.28

        Улуус депутаттарын мунньаҕын бэрэссэдээтэлэ Афанасий Афанасьевич Захаров, улуус баһылыгын социальнай боппуруостарга уонна бэйэни салайыныыга солбуйааччы Николай Иннокентьевич Аммосов ыалдьыттаатылар, оҕолорго туһаайан хас биирдии кыайыы, ситиһии улууспут сирэйэ, аата, дойдубут сайдыытыгар кылаат буоларын бэлиэтээтилэр.

WhatsApp Image 2021 01 15 at 17.17.27 1

       Саха Республикатын ыччат дьыалатыгар уонна социальнай коммуникацияларга министирэ, биир дойдулаахпыт Степан Анатольевич Саргыдаев видео эҕэрдэтин ыытта, оҕолорго тоһоҕолоон туохтан да иҥнибэккэ куруук инники күөҥҥэ сылдьалларыгар,республикабыт киэн туттар дьоно буола улааталларыгар баҕарда.

WhatsApp Image 2021 01 15 at 17.17.26 1
        Быйылгы тэрээһин уратылаах буолла, Үөрэх управлениетын начальнига Юрий Павлович Посельскай аан маҥнайгытын “Признание” анал наҕараадатын 3 араас ситиһиилэрдээх оҕолорго туттарда: Зоя Дмитриеваҕа, Г.Д. Протодьяконов аатынан Алаҕар орто оскуолатын 4 кылааһын үөрэнээччитэ, Алиса Поповаҕа, С.К. Макаров аатынанЧурапчы гимназиятын 11 кылааһын үөрэнээччитэ, Алика Михайловаҕа, С.А.Новгородов аатынан Чурапчы орто оскуолатын 10 кылааһын үөрэнээччитэ.

WhatsApp Image 2021 01 15 at 17.17.27

        Ороһуоспа баалын бары бастыҥ оҕолорун ааттарыттан эҕэрдэ тылын эттэ-Н.Д. Субурусскай аатынан Хатылы орто оскуолатын үөрэнээччитэ Кэнчээри Николаев.

WhatsApp Image 2021 01 15 at 17.17.26
        Күндү оҕолор, эһиги хас биирдии ситиһиигит, кыайыыгыт, үрдүккэ дьулуургут –бу бүтүн дойдубут кыайыыта, бу Чурапчы улууһун киэн туттуута. 2021 сыл барыгытыгар талбыт эйгэҕитигэр өссө үрдүк ситиһиилэри, дэгиттэр дьоҕуру, эрэллээх доҕотору аҕаллын. Санаабыккыт сатабыллаах буолуохтун,туппуккут туола туруохтун,уурбуккут уйгулаах буолуохтун!!!

 

 

Прочитано 303 раз