Уроки по Joomla 3 можно найти здесь: http://joomla3x.ru/
Суббота, 05 декабря 2020 17:38

Арылаах орто оскуолатыгар саҥа VR-кылаас аһыллыыта буолла

Автор
          Ахсынньы 4 күнүгэр  Т.М. Каженкин аатынан Арылаах орто оскуолатыгар саҥа VR-кылаас үөрүүлээх аһыллыыта  буолан ааста. 
Оскуола  коллектива,   үөрэнээччилэр үрдүк хаачыстыбалаах үөрэҕи ылалларыгар  сөптөөх эйгэни тэрийэн,  инникигэ сорук туруоран айымньылаахтык  үлэлии-хамсыы сылдьарын бэлиэтиибит.     Эдэр педагогтар   үүнэр көлүөнэ  үөрэххэ-билиигэ, сырдыкка-сайдыыга  талаһыытын үрдэтэр сыаллаах  саҕалаабыт  « Технологии AR(дополненной) и  VR (виртуальной) реальности для реализации дистанционного образования в условиях малокомплектной  сельской школы”   проектара  Улуус  үөрэҕин салалтатын,  экспертнай советын биһирэбиллэрин ылан араас    тэрээһиннэргэ, выставкаларга  элбэхтэ кыттан,  дьон-сэргэ,  педагогтар  сэҥээриилэрин ылбыттара.  Проегы  Арыылаах нэһилиэгин администрацията уонна  олохтоохторо,Чурапчы улууһун администрацията  өйөөннөр    «Олохтоох  көҕүлээһини  өйүүр  программа»   чэрчитинэн Грант ылары ситиһэн, цифровой VR-кылаас  уонна дистанционнай үөрэхтээһиҥҥэ наадалаах  техниканы  ылан кылааһы арыйдылар.   
     556
     Үөрүүлээх тэрээһиҥҥэ  Чурапчы улууһун главатын  экономикаҕа уонна инновацияҕа солбуйааччыта А.Г. Егоров кыттыыны ылла.   Кини   оскуола коллектива  уонна нэһилиэк  администрацията  тэрээһиннээх үлэни ыыппыттарын бэлиэтээтэ уонна  инникитигэр кэскиллээх соруктары туруоран, өссө  түмсүүлээхтик үлэлииргэ  ынырда.   

557

 
Үөрэх управлениятын начальнига  Ю.П. Посельскай  бу аһыллыбыт кылаас,  сана үйэ информационнай цифровой техниката,  педагогическай технологиялара  үөрэнээччилэр   билиилэрэ хаҥыырыгар,  научнай –исследовательскай үлэҕэ  сысталларыгар, инникитин  сөптөөх идэни баһылыылларыгар олук уурарын   этэн туран,    оскуола үөрэнээччилэригэр, коллективка үрдүк ситиhиилэри, үтүө түмүктэрдээх үлэни-хамнаһы баҕарда.  Оскуола директора В.Р. Скрябин улуус уонна нэһилиэк администрацияларыгар,  Үөрэх управлениятыгар уонна научнай салайааччыларыгар -ЧГИФКИС  Эбии профессиональнай үөрэхтээһин факультетын деканыгар,  педагогическай наука кандидатыгар М.А. Манасытоваҕа, проект  олоххо киирэригэр  үлэлэспит педагогтарга  махтал тылларын эттэ,  бэлэхтэрин туттарда.  

445

 
 
       Кылаас  презентациятын  проект автора- физика учуутала И.И.  Бекянов  ыытта. Аныгы цифровой технология  биэрэр кыахтарын   английскай тылы уерэтигэ көдьүүстээхтик туттууну учуутал Шарина Л.И. үөрэнээччилэрин кытта  көрдөрдулэр.   Аныгы техника  кыамтатын,  хайдах туттулларын туһунан Потапов Ньургун 10 кылаас үөрэнээччитэ  уонна  эбии үөрэхтээһин педагога А.А.Максимов кэпсээтилэр.   Ыалдьыттар   VR  уонна  AR технологиялары кытта  билсэн,   үөрэх эйгэтигэр  биэрэр  киэҥ кыахтарын  итэҕэйдилэр.  

559

 
 
Арылаах орто оскуолатын үөрэнээччилэригэр уонна учууталларыгар  элбэх ситиһиилэри баҕарабыт.  Иитии-үөрэтии процеһын  тупсарарга  туһаайыллыбыт   саҥа проект   кэскиллээх буоллун   диэн баҕа санаабытын ыытабыт!!!
Прочитано 371 раз Последнее изменение Воскресенье, 06 декабря 2020 13:20