Уроки по Joomla 3 можно найти здесь: http://joomla3x.ru/
Понедельник, 21 сентября 2020 14:54

Хоту көһөрүллүү 78 сыла

Автор

        1942 сыл-сут-кураан, өлүү-сүтүү, сэрии ыар тыына хас биирдии ыалы аймаан, сир дойду харах уутунан сууммута. Манан бүтүө дуо диэбиттии, аны эбии ыар хара сүгэһэр Чурапчы дьонугар-сэргэтигэр сүктэриллибитэ. 243-№ ыарахан уураах тахсан эдэрдиин-эмэнниин хаһан да харахтаан көрбөтөх хоту улуустарга, балык булдугар диэн ааттан айаннаабыттара. Аара өлөн-сүтэн, тоҥон-хатан төһөлөөх элбэҕи тулуйбуттарын бэйэлэрэ эрэ билэн эрдэхтэрэ. Ол эрээри, тыыннаах ордон төрөөбүт буордарыгар эргиллэн кэлбиттэрэ, салгыы олох олорон, үлэлээн-хамнаан, саҥалыы олоҕу туппуттара-бу буолар күүстээх санаа, эрэл кыымын күүһүн бэлиэтэ.

WhatsApp Image 2020 09 18 at 14.59.57 1
       

        Быйыл балаҕан ыйын 19 күнүгэр күүс өттүнэн хоту көһөрүллүү 78 сыла буолла. Хас биирдии оскуолаҕа иитэр-үөрэтэр, үйэтитэр сыаллаах араас тэрээһин ыытылынна. Кылаас чаастара, “Өйдөбүнньүк чүмэчи” улуустааҕы инстаграм акция, видео роликтары оҥоруу, хоһоон ааҕыыта, ахтыылары түмүү, уруһуй күрэҕэ уо.д.а. Тэрээһиннэргэ 1-11 кылаас оҕолоро, төрөппүттэр, учууталлар кыттыыны ыллылар.

WhatsApp Image 2020 09 19 at 12.08.18

        Дойдубут историятын сүппэт-оспот, быстыбат ыар кэрчигин үйэтитэр, өйдүүр-саныыр, сурукка-бичиккэ тиһэр, биир дойдулаахтарбыт охтон-өлөн биэрбэт күүстээх санааларын холобур оҥостон үйэттэн үйэҕэ тириэрдэр биһиги бары ытык иэспит.

WhatsApp Image 2020 09 19 at 17.18.53

Прочитано 556 раз Последнее изменение Среда, 23 сентября 2020 11:15