Уроки по Joomla 3 можно найти здесь: http://joomla3x.ru/
Пятница, 28 февраля 2020 19:10

Семинар "Опыт реализации направлений гражданско-патриотического воспитания"

Автор

       Иитэр үлэҕэ директоры солбуйааччы үлэтин киэҥ араҥаҕа таһаарар, биир идэлээхтэригэр опыт тарҕатар, үлэни-хамнаһы ырытыһар сыаллаах семинардар, былааҥҥа киирэн сылын аайы ыытыллаллар. Маннык семинар быйылгы үөрэх дьылыгар, ол эбэтэр олунньу 26 күнүгэр Д.Д. Красильников аатынан Мугудай орто оскуолатыгар ыытылынна. Иитэр үлэни салайар Елена Михайловна Данилова 9-с сылын үрдүк таһаарыылаахтык үлэлиир. Семинарга Үөрэх управлениятыттан оҕону иитэр уонна эбии үөрэхтээһин отделын салайааччыта Винокурова И.Г., специалист Игнатьева О.Б., Чурапчытааҕы педагогическай албан аат музейыттан Чичигинарова М.И., Егорова Е.И., Чечебутова К.Д., улуус оскуолаларыттан иитэр үлэҕэ директоры солбуйааччылар Лукина Л.И., Филиппова А.В., Кузьмина С.А., Сергеева В.С., Аммосова В.Г., Слепцова В.П., Перевалов В.В., Платонов М.А., Миронова М.В., Собакина П.М., Трофимова А.Д., Решетникова Т.Н., Федорова Н.П. кыттыыны ыллылар.IMG 6573
       Иитэр үлэҕэ директоры солбуйааччы үлэтэ оскуола боруогуттан саҕаланар. Ол курдук, күн аайы хас биирдии оҕо оскуола аанын арыйыаҕыттан, күн устата үөрэнэн, киэһэ бүтэн дьиэтигэр тиийиэр диэри киэҥ далааһыннаах үлэ тохтоло суох ыытыллар. Манна тобуллаҕас толкуй, уһуну- киэҥи анаара көрүү, оҕоҕо таптал, идэҕэ бэриниилээх сыһыан, сөптөөх салайыы улахан суолталаах.

IMG 6514
       Семинар оскуолаҕа гражданскай-патриотическай иитии үлэтин тула сөпкө былааннанан, ымпыгар тиийэ бэлэмнэнэн, бириэмэтэ табыгастаахтык тыырыллан сыалын-соругун ситистэ. Күн устата гражданскай-патриотическай хайысхаҕа ыытыллар үлэ туһунан араас дьаһал ыытыланна: директор Юмшанов И.С. ыалдьыттары эҕэрдэлээтэ, Данилова Е.М. үлэтин сүрүн хайысхаларын, тэриллибит бырайыактары, инники үлэтигэр былааннарын туһунан сырдатыы оҥордо, күн бастакы аҥарыгар эбии үөрэхтээһин педагогтарын көрдүбүт-иһиттибит, педагог-психолог Оконешникова М.А. тренинг ыытан сэргэхситтэ. Охлопкова Е.Н., педагог-организатор,музыка учуутала, Полятинская С.Д., ОБЖ учуутала бэйэлэрин сүрүн үлэлэрин билиһиннэрдилэр. Оскуола музейын салайааччыта Аммосова К.Г., музей үлэтин-хамнаһын, баай ис –хоһоонноох мал-сал туһунан сырдатта. Күннэй Григорьевна музей үлэтин таһынан, оҕолору өрөргөүөрэтэн, сатабылларын сайыннаран кэрэҕэ угуйар. Мугудай оскуолатыгар биир бастакынан “Точка роста” киин арыллан, номнуо оҕолору иитии, үөрэтии үлэтэ инники хардыылаан иһэр. “Точка роста” чэрчитинэн оскуолаҕа саҥа ылыллыбыт обрудование үлэтин туһунан анал программалары баһылаабыт эдэр педагогтар Алексеева К.Е., Чемпосов А.Г.кэпсээтилэр, көрдөрдүлэр. Күн иккис аҥарыгар, кылаас салайааччылара Захарова А.Н., Данилова С.П., Жергина С.П., Мыреев С.С., Мыреева Н.И., Оконешникова М.Н. “Воспитание гражданина невозможно, если не привить малому человеку патриотические чувства” В.А. Сухомлинскай тылларыгар олоҕуран үлэлэрин туһунан кэпсээн истээччилэр сэҥээриилэрин тартылар.

c0460a6f 0c0c 4c8c afbf 22aa979e1e2e
       Семинарга Мугудай орто оскуолатыгар гражданскай-патриотическай иитии үлэтэ олохтоохтук былааннанан, хас биирдии педагогу, оҕону,төрөппүтү хабан ыытыллара көһүннэ. Коллективка, оскуола директорыгар Иннокентий Сергеевичка баҕарабыт аҕа дойдуга бэриниилээх оҕолору иитэн таһааран оҕо, төрөппүт махталын ылын, саргылаах санааҕыт салаллан истин, тутуспут суолгут тупса туруохтун!

 IMG 6570

Прочитано 578 раз