Уроки по Joomla 3 можно найти здесь: http://joomla3x.ru/
Среда, 23 октября 2019 11:05

Кэрэ ситим, кэрэ көстүү, кэрэ эйгэ, кэрэ кэрэни үөскэтэр, кэрэттэн кэрэ салҕанар!!!

Автор

        “Үс ситим-үс кэрэ” улуустааҕы дьиэ-кэргэн күрэх- фестивала быйыл иккис төгүлүн алтынньы 17 күнүгэр Д.П. Коркин аатынан Олимпийскай эрэллэри бэлэмниир республиканскай спортивнай оскуола-интернатка ыытылынна. Фестиваль кыттыылаахтара бары ымпыгар-чымпыгар тиийэ бэлэмнэнэн, фестиваль үрдүк таһымҥа ааста. Тэрээһин сүрүн сыала- кыыс оҕо төрүт ууһу утумнааччы, алаһа дьиэ араҥаччыта буоларын өйдөтүү, кэрэни кэрэхсииргэ, үчүгэйи үксэтэргэ уһуйуу, ийэ,эбэ, кыыс истиҥ сыһыаннарыгар, сатабылларыгар сыһыаран, ол холобуругар иитии.
        Бастакы этап- “Бэйэни билиһиннэрии”. “Эбэ алгыстаах сүбэтэ” иккис этапка эбэлэр муударай сүбэ-ама биэрдилэр, алгыстаах санааларын анаатылар. «Үс кэрэ-үс ситим” этапка 15 мүнүүтэ иһигэр оҥоһук оҥорон көмүскээтилэр, бу этап уратыта диэн кыыс, ийэ, эбэ бары оҥордулар. “ Үтүө санаа-көлүөнэ ситимэ” этап- волонтерскай идеялары көмүскээһин. Араас кэскиллээх, туһалаах идеялар этилиннилэр. «Мелодияны таай” этап барыбытын сэргэхситтэ. Кыттааччылар бары илиилэригэр дьоҕурдара, муударай тыллара-өстөрө, ырааҕы –киэҥи ырыҥалыыр санаалара, кэрэ көстүүлэрэ дьүүллүүр сүбэни сөхтөрдө уонна кыайыылааҕы быһаарарга ыарахаттары үөскэттэ.

a13aa2db d7e7 436c a424 5546decb7f16
        Түмүккэ, кыайыылаах “Үс ситим-үс кэрэ” анал ааты Чакыртан Филиппова Валентина Николаевна, Кузьмина Алена Тимофеевна, сиэн кыыс Анжела ыллылар.
“Кэрэттэн кэрэ ситим” –Улахан Күөлтэн Трофимова Вера Ивановна, Аграфена Дмитриевна, сиэн кыыс Вероника.
“Уран ситим”-Дириҥтэн Карпова Наталья Константиновна, Аммосова Татьяна Ивановна, сиэн кыыс Вика.
“Төрүт ситим”- Хатылыттан Иустинова Мария Петровна, Степанова Лидия Павловна, сиэн кыргыттар Таня, Кристина.

c0d0ec38 b7fe 494c a071 4c894defe671

       Кэрэ –кэрэни үөскэтэр, быстыспат ситим салҕанан көлүөнэттэн көлүөнэҕэ бэриллэр айылҕалаах. Харыстаан кэрэни, харыстаан кыыс оҕо быстыспат кэрэ ситимин!!!

3f02f830 3d35 4a58 993d a8be4648d7828eba4dda e63d 4ef5 981e fc1e07d1e0c3981f38ab 2ce7 4b13 9918 81ca92f8525d

 

 

Прочитано 834 раз Последнее изменение Среда, 23 октября 2019 11:20